حلوة يابنت الشام

حلوة يا بنت الشام

1-     

لبست ملايتها

نزلت ع المدينة

لتجيب توب الأصب

وعلام دزينة

جاية الفرح بكرا

وتشعشع الزينة

2-     

نزْلت على المرجة

من سوء ساروجا

والموكب الفرجة

بالنور سار وجا

والخيل معؤودة

والنصر بسروجا

خيالها يرمح

رايات منصوبة

ينزل على المرسح

والشام محبوبة

3-     

من قبة السيار

بتطل علميدان

تنثر ورد وقمار

جوري وزهر رمان

تكتبلهن اشعار

حلوة متل بستان

والشام ليل نهار

تفيي على الخلان

4-     

مريت ع صحابي

بسوء الحميدية
اتذكر حبابي
واخدلن هدية

شرقي واغباني

وعبايا ميرية

شغل الصدف غالي

ولوحات فنية

صنجة ودربكة

وعراضة شامية

هيك البلد تبقى

بسيوف محمية

5-     

تابعتْ عا بكداش

ارتاح شي شوية

ايمع عرب بدي

بالبوظة محشية

فستق حلب غالي 

لو حلب منسية

6-     

نازل على الاموي

صلي وادعيلو

يارب يرجع وطن

تضوي اناديلو

امرء عباب بريد

سلم على السلطان

نايم بئيدو سيف

مسلط على العدوان

ينده يا ابن الشام

تلبألك الراية

ندْهت لك الاوطان

بكرا النصر جاية

7-     

يصرخ صلاح الدين

لك هبوا يا ولادي

عمرا بيوم الضيم

مابتنحني بلادي

8-     

مريت عشاغور

دءدء على بوابا

وبئيت لف ودور

انده على حبابا

يللا  تعالوا نزور

ونبوس ترابا

تراب يلي فيها ابور

باب الصغير بابا

شهدا ومشاعل نور

ومقدسة عتابا